Kök

Yetim qalan Roysaytonq hələ uşaq ikən varlı bir şəxs tərəfindən övladlığa götürülərək himayəyə alınır. O, rahatlıq içində böyüyür, lakin atalığının vəfatından sonra gənc qızın qəyyumluğu onun böyük qızı Runrona keçir. Roysaytonq illərlə Runronu özünə doğma böyük bacı hesab edir və ona səmimi qəlbdən güvənir.

Tezliklə hər şey qorxulu bir istiqamət alır: gənc qız himayəçisinin ona qarşı romantik hisslər bəslədiyini və bütün həyatını idarə etmək istədiyini anlayır. Qəyyumun boğucu nəzarəti və xəstəlik həddinə çatan aludəçiliyi qarşısında çarəsiz qalan Roysaytonq nəyin bahasına olursa-olsun bu evdən qaçmağı qarşısına məqsəd qoyur.

«The Root» («Kök») adlı dram serialı 2022-ci ildə Tailandda çəkilib. Layihənin rejissor kürsüsündə Ekkasit Trakulkasemsuk əyləşib. Əsas rolları Sirin Horvanq, Supassara Tanacart, Luis Skott və Paçara Cirativat canlandırıblar.