Mezalyans

Moskvalı Kostik qayğısız və ərköyün böyümüş bir gəncdir. Onun tərbiyəsi ilə estet dünyagörüşünə malik elmlər doktoru olan xalası Alla Danilovna məşğul olur və qohumuna layiqli həyat yoldaşı tapmağa çalışır. Kostikin Maya adlı sadə bir qıza aşiq olması xalanın heç xoşuna gəlmir, çünki o, bu namizədi gənc oğlana qətiyyən yaraşdırmır.

Alla Danilovna sevgililəri hiylə ilə ayırmaq qərarına gəlir və oğlanın fikrini yayındırmaq üçün evə aspirantının qızı Leranı dəvət edir. Fikirləşir ki, fəal və gülərüz Lera qardaşı oğlunu Mayadan asanlıqla uzaqlaşdıracaq. Lakin ailə bu qonağın əsl simasını çox gec görür və evə necə bir təhlükə buraxdıqlarını anlayır.

2013-cü ildə çəkilmiş «Mezalyans» melodram serialının rejissoru İqor Keçayevdir. Rusiya istehsalı olan layihənin baş rollarında Vlad Kanopka, Yekaterina Danilova, Mariya Kozakova və Yelena Safonova çəkiliblər.