Stalinin almazları

1945-ci ilin əvvəlində Uraldakı düşərgələrdən birində cəza çəkən məhbuslar köhnə mədəndə qiymətli daş yatağı aşkar edirlər. Bu xəbəri dərhal Çörçillə çatdıran ingilis kəşfiyyatı beynəlxalq inhisarçıların maraqlarını qorumağa çalışır. Həmin il Yalta konfransında müttəfiqlər SSRİ-nin borcunu bu daşlarla ödəməsini tələb edirlər və sovet rəhbərliyi bu şərtlə razılaşır.

Mayın 10-da düşərgədə qanlı üsyan baş verir, qaçan məhbuslar çıxarılmış bütün xəzinəni özləri ilə aparırlar. İtmiş dövlət sərvətini tapmaq və geri qaytarmaq tapşırığı isə gənc XDİK əməkdaşlarına həvalə olunur.

2016-cı ildə Rusiyada çəkilmiş «Алмазы Сталина» tarixi dram serialının rejissoru Boris Kazakovdur. Layihədə əsas rolları Yuri Stoyanov, Aleksey Şevçenkov, Andrey Frolov və Dmitri Yermak ifa ediblər.