Çiçəklənmə

Uşaqlıqda böyük bacısının xarici görünüşü ilə bağlı lağ etməsi Ça Şi-vonun yaddaşında dərin iz buraxmışdı. Özünə inam qazanmaq istəyən gənc çox çalışır, arıqlayır, idmanla məşğul olaraq universitet illərində qızların sevimlisinə çevrilir. Əldə etdiyi populyarlıq onun üçün böyük nailiyyət sayılsa da, tezliklə qarşısına gözlənilməz bir rəqib çıxır.

Hyun Da-un adlı digər tələbə hər cəhətdən ondan üstün görünür. Da-unun ideal siması, yüksək qiymətləri, nüfuzlu ailəsi və xoş xasiyyəti var. «Çiçəklənmə» («Beulluming») serialında bu iki gəncin qarşılaşması və aralarındakı münasibətlər diqqət mərkəzinə gəlir.

Cənubi Koreya istehsalı olan bu romantik dram serialı 2022-ci ildə rejissor Hvan Da-sıl tərəfindən çəkilib. Baş rollarda Ço Hyok-cun, Kan In-bin, Kim Son-hva və Can Yun-con çəkiliblər.