Qu Pxil-su burada yoxdur

Ailə başçısı olan qırx yaşlı Qu Pxil-su uzun illər müxtəlif sahələrdə çalışdıqdan sonra kiçik bir bar açmağa qərar verir. O, nəhayət böyük bir biznes uğuru qazanmağı arzulayır. Günlərin birində onun yolu gənc bir tələbə ilə kəsişir.

İyirmi yaşlı Çon Sok əyalətdə, yoxsul bir ailədə böyüsə də, zəhməti və bacarığı sayəsində Seulun ən nüfuzlu universitetlərindən birinə daxil olub. O inanır ki, müasir dövrdə uğur qazanmağın yeganə yolu öz startapını yaratmaqdır. Fərqli nəsillərə aid bu iki nəfər öz hədəflərinə çatmaq üçün bir araya gəlir.

«Qu Pxil-su burada yoxdur» Cənubi Koreya istehsalı olan dram və komediya serialıdır. 2022-ci ildə nümayiş olunan layihənin rejissoru Çxve Do-hundur. Əsas rolları Kvak To-von, Yun Du-cun, Con Don-von və Han Qon-ın canlandırıblar.