Uysallar

Uysal ailəsi kənardan son dərəcə nizamlı, uğurlu və cəmiyyətin tələblərinə tam uyğun yaşayan bir ailə təsiri bağışlayır. Lakin peşəsində nailiyyətlər qazanmış memar Oktay daxili böhran içində çırpınır. O, yaxınlarından gizli şəkildə gənclik dövrünün üsyankar ruhuna qayıdaraq pank həyatı sürməyə başlayır.

Çox keçmir ki, ailədə ikili həyat yaşayan yeganə şəxsin Oktay olmadığı üzə çıxır. Sakit və problemsiz görünən bu evin divarları arxasında onun həyat yoldaşı, uşaqları və yaşlı atası da öz sirlərini və şəxsi böhranlarını hamıdan gizlətməyə çalışırlar.

Türkiyə istehsalı olan «Uysallar» serialı 2022-ci ildə işıq üzü görüb və dram ilə komediya janrlarını özündə birləşdirir. Layihənin rejissor kürsüsündə Onur Saylak əyləşib. Əsas rolları Öner Erkan, Songül Öden, Haluk Bilginer və Uğur Yücel canlandırıblar.