Nostromo

Hadisələr Cənubi Amerikanın xəyali bir dövlətində, Sulako şəhərində cərəyan edir. Bura yerli zadəganların, tacirlərin, ruhanilərin, əcnəbi mühacirlərin, hərbçilərin, mədən fəhlələrinin və quldurların bir araya gəldiyi ziddiyyətli bir məkandır. Müxtəlif təbəqələrdən olan insanların maraqları bu uzaq liman qəsəbəsində toqquşur.

Şəhər əhalisi arasında Nostromo ləqəbli italyan Can Batista Fidantsa xüsusilə fərqlənir. Liman fəhlələrinin rəhbəri olan bu dənizçi həm sadə insanların, həm də yerli elitanın etimadını qazanıb. O, təmkinli davranışı, nüfuzu və silahdan istifadə etmək bacarığı sayəsində limanda və mədənlərdə asayişi qoruyaraq mümkün iğtişaşların qarşısını alır.

«Nostromo» dram serialı 1996-cı ildə ekranlara çıxıb. Rejissor Alaster Reydin çəkdiyi layihə ABŞ, Böyük Britaniya, İspaniya və İtaliyanın birgə istehsalıdır. Baş rolları Kolin Fört, Brayan Dennehi, Albert Finni və Roberto Eskobar canlandırıb.