Gotthard

1873-cü ilin yazında Avropanın müxtəlif yerlərindən yüzlərlə fəhlə Sen-Qotard dəmir yolu tunelinin inşasında çalışmaq üçün Göşenen adlı kiçik İsveçrə kəndinə axışır. Bura gələnlər arasında gənc alman mühəndisi Maks Büll və təcrübəli italiyalı şaxtaçı Tommazo Latsaroni də var. Qalacaq yer tapmaq çətin olduğundan, onlar yerli arabaçının fərasətli qızı Anna Treşin mehmanxanasındakı sonuncu çarpayını bölüşməli olurlar.

Bir yerdə qalmaq gəncləri bir-birinə yaxınlaşdırır, onların arasında möhkəm dostluq və romantik bağlar yaranır. Eyni zamanda sahibkar Lui Favrın rəhbərlik etdiyi nəhəng tikinti dözülməz şərait, texniki qəzalar və fəhlələrin həyatına təhlükə yaradan ağır sınaqlarla üzləşir.

İsveçrə istehsalı olan «Gotthard» tarixi dram serialı rejissor Urs Eqqer tərəfindən 2016-cı ildə çəkilib. Baş rolları Maksim Mehmet, Paskuale Aleardi, Miriam Ştayn və Karlos Leal canlandırıblar.