Where we would have been

İşini itirən Coşua güclü gərginlikdən uzaqlaşmaq və mühiti dəyişmək qərarına gəlir. O, ən yaxın dostu Ceralda zəng edərək birlikdə avtomobillə səfərə çıxmağı təklif edir. Cerald tərəddüd etmədən yoldaşının bu fikrini qəbul edir və onlar yola düzəlirlər.

Bu səyahət iki köhnə dost üçün gözlənilməz duyğuların başlanğıcına çevrilir. Yol boyu dinlədikləri musiqilər və səmimi söhbətlər onların münasibətlərini tamam başqa məcraya yönəldir. Nəticədə gənclər bir-birlərinə qarşı əslində dostluqdan daha artıq hisslər bəslədiklərini anlamağa başlayırlar.

Filippin istehsalı olan «Where we would have been» adlı dram serialı 2021-ci ildə ekranlara çıxıb. Layihənin rejissorluğunu Lava Haganos və Trent Joshua Asuncion həyata keçirib. Baş rolları Drei Arias və Gus Villa canlandırıb.