Tea Box

Gənc və işsiz Cey-Cey sevgilisindən ayrılmağın ağrısını yaşayır və onunla küçədə bərkdən mübahisə edir. Qoparılan səs-küy qonşuluqda yaşayan yaşlı Viçayı bərk qəzəbləndirir. Həyat eşqini çoxdan itirmiş qoca sakitlik axtararkən qapısının ağzında baş verən bu qalmaqalla barışmaq istəmir.

Tərəflər arasındakı gərginlik gəncin qonşunun bağından manqo oğurlaması ilə daha da kəskinləşir və işə polis qarışır. Cəza olaraq hüquq-mühafizə orqanları Cey-Ceyə hər gün Viçayın bağındakı bitkiləri sulamağı tapşırır. Bu məcburi bağbanlıq iki fərqli nəslin nümayəndəsi arasında gözlənilməz ünsiyyətin yaranmasına yol açır.

«Tea Box» dram və komediya janrlarını birləşdirən Tailand serialıdır. 2021-ci ildə ekranlara çıxan layihənin rejissoru Kao Wirada Khuhavantadır, baş rolları isə Nhing Nirut Sirijanya və Gee Sutthirak Subvijitra canlandırıb.