Anupamaa

«Anupamaa» adlı Hindistan dram serialı bütün vaxtını və enerjisini ailəsinə həsr etmiş bir qadının taleyindən bəhs edir. İyirmi beş il ərzində şəxsi arzularından vaz keçən baş qəhrəman yalnız doğmalarının rahatlığını düşünüb. Buna baxmayaraq, əri Vanrac və digər ailə üzvləri onun zəhmətini qiymətləndirmir, təhsil səviyyəsini bəhanə edərək ona daim yuxarıdan aşağı baxırlar.

Ərinə sonsuz etibar bəsləyən qadın onun gizli əməllərindən tamamilə xəbərsizdir. Əslində isə Vanrac uzun müddətdir ki, iş yoldaşı Kavya ilə gizli münasibət saxlayır. Həqiqət qəflətən üzə çıxdıqda ailədaxili münasibətlər tamamilə dəyişir. Bu xəyanətdən sonra qəhrəman hüquqsuz vəziyyətlə barışmaqdan imtina edərək öz şərtləri ilə müstəqil addımlamağa qərar verir.

Televiziya dramı 2020-ci ildə Hindistanda nümayiş olunmağa başlayıb. Ekran əsərinin rejissor kürsüsündə Romesh Kalra və Ketaki Walawalkar əyləşiblər. Baş rolları Rupali Ganguly, Sudhanshu Pandey, Gaurav Khanna və Deepak Gheewala canlandırıblar.