Daha Yaxşı İnsan

Vyetnamlı mühacir qadının oğlu olan gənc Van ailəsinə dayaq olmaq məsuliyyətini hər zaman çiynində daşıyır. Yaxınlarına kömək etmək istəyi onu qorxunc bir səhvə sürükləyir. Sinqapur hava limanında saxlanılan gəncin üzərindən yerli qanunlara görə dəfələrlə ölüm hökmünə bərabər olan külli miqdarda heroin tapılır.

Şərqin amansız cəza sistemi ilə Qərbin humanist yanaşması bu hadisə ətrafında toqquşur. Vanın anası Kim və fədakar vəkilləri Culian Makmaon ilə Leks Lazri onun canını xilas etmək üçün mübarizə apararkən, məhbus öz həyatının mənasını dərk etməyə çalışır.

Avstraliya istehsalı olan «Better Man» dram serialı 2013-cü ildə rejissor Khoa Do tərəfindən çəkilib. Real hadisələr üzərində qurulan layihənin baş rollarında Remi Hii, Cordan Rodriges, Hien Nguyen və Eylin Hyunn yer alıb.