İki qardaş

Səyyar ticarətçi Həlim Manausda Qalibin restoranına baş çəkərkən onun qızı Zanaya aşiq olur və qızın qəlbini qazanır. Zana ən azı üç uşaq böyütmək arzusunda olsa da, Həlim diqqətin ondan uzaqlaşacağından çəkinir. Əkizlər Yaqub və Ömər dünyaya gəldikdən sonra ananın bütün diqqəti nəfəs problemi olan kiçik oğula yönəlir. Bu ifrat qayğı Yaqubun qəlbində qısqanclıq yaradır, ailənin sonbeşiyi olan qızları Raniya isə əkizlərin kölgəsində böyüməyə məcbur qalır.

Ömər qardaşını Liviya ilə öpüşərkən gördükdə qəzəblənir və sındırdığı şüşə qırıntıları ilə Yaqubun üzünü yaralayır. Hadisədən sonra qardaşlar arasındakı bağlar tamamilə qırılır və onlar danışmırlar. İki oğlu arasındakı düşmənçiliyi dayandırmaq istəyən ata onları İkinci Dünya müharibəsi dövründə Livana yola salmaq qərarına gəlir.

Braziliya istehsalı olan «İki qardaş» (Dois Irmãos) tarixi dram serialı 2017-ci ildə ekranlara çıxıb. Layihənin quruluşçu rejissoru Luis Fernando Karvalyodur. Əsas obrazları Antonio Faqundes, Eliane Jardini, Ryan Soares və Antoniu Kalloni canlandırıb.