Akrep

Perihan Emgen illər boyu qurduğu nüfuzlu və zəngin dünyasında qızı Berna, nəvələri və kürəkəni ilə birlikdə firavan ömür sürürdü. Lakin polisdən gələn gözlənilməz zəng və Bernanın cəsədinin tapılması xəbəri ailənin bütün dincliyini alt-üst edir. Bu fəlakətin arxasında Perihanın hələ bir yaşında ikən var-dövlət naminə tərk etdiyi böyük qızı Ferda dayanır.

İllərlə yığılan nifrət və qisas hissi ilə alışıb-yanan Ferda anasını hər şeydən məhrum etməyə qərar verir. O, bacısının həyat yoldaşı ilə gizli əlaqəyə başlayaraq ailənin içinə sızır və iki qadın arasında amansız mübarizənin əsasını qoyur. «Akrep» serialı qan bağları olan, lakin bir-birinə düşmən kəsilən iki tərəfin qarşıdurmasından bəhs edir.

Türkiyə istehsalı olan bu dram serialı 2020-ci ildə ekranlara çıxıb. Layihənin rejissoru Gökçen Ustadır, baş rolları isə Evrim Alasya, Demet Akbağ, Bestemsu Özdemir və Yusuf Çim canlandırır.