Kənar məhəllənin Mariyası

On beş yaşlı kimsəsiz Mariya xaç anasının vəfatından sonra şəhərin kənarındakı yoxsul evində tək qalır. Xaç anasının son vəsiyyətinə əməl edən yerli keşiş qıza dayaq durmaq üçün varlı xeyriyyəçiyə müraciət edir. Don Fernando gənc qıza acıyaraq onu qulluqçu kimi deyil, ailəsinin bərabərhüquqlu üzvü kimi öz malikanəsinə gətirir. Lakin bu addım ev sahibinin qısqanc arvadı və qərəzli qardaşı qızının Mariyaya qarşı nifrətini alovlandırır.

Evin içki düşkünü olan oğlu Luis Fernandoya aşiq olan qız öz sevgisi uğrunda daxilən dəyişmək məcburiyyətində qalır. Gənclərin evliliyi baş tutsa da, ərinin qardaşına qarşı əsassız şübhələri hər şeyi alt-üst edir. Doğulacaq körpənin atası olduğuna inanmayan Luis Fernando evi tərk edir, sarsıntı içində doğum edən Mariya isə körpəsini başqasına verir. Əri sonradan qadını geri qaytarıb başqa bir uşağı övladlığa götürsə də, ana itirdiyi doğma övladının xiffətini çəkməyə davam edir.

1995-ci ildə Meksikada istehsal olunmuş «María la del barrio» melodram serialının rejissorları Marta Luna və Beatris Şeridandır. Baş rollarda Taliya, Fernando Kolunqa, Rebeka Manrikes və İran Eori çəkilmişlər.