Kəpənək

On bir yaşlı Maks uşaqlıqdan özünü qız kimi hiss edir, evdə isə Maksin adını seçərək buna uyğun geyinir. Ayrı yaşayan valideynləri Viki və Stiven ailə böhranını çətinliklə arxada qoymağa çalışırlar. Atasının narahat olmaması üçün daxili hisslərini gizlətməyə çalışan uşaq zamanla ciddi mənəvi sarsıntılar keçirməyə başlayır.

Vəziyyətin ciddiliyini anlayan Viki övladının psixoloji durumunu qorumağı öz üzərinə götürür. Stiven ailəyə geri qayıtsa da, ata ilə ana arasında kəskin fikir ayrılıqları yaranır. Onlar yaranmış duruma necə yanaşmaq və Maksinin açıq transgender keçidini dəstəkləməyin doğru olub-olmaması barədə razılığa gələ bilmirlər.

Böyük Britaniya istehsalı olan «Butterfly» dram serialı 2018-ci ildə ekranlara çıxıb. Rejissoru Entoni Birn olan layihənin baş rollarında Anna Fril, Şon MakQinli, Milli Qibson və Lorreyn Barrouz çəkiliblər.