Unutulmaz

Böyük bir malikanədə yaşayan ailənin üzvləri çətin sınaqlarla üzləşirlər. Gəmiçilik şirkətinə rəhbərlik edən Fəyyaz oğlu Harun və kürəkəni Burakla birgə ailə biznesini idarə edir. Evdə isə Fəyyazın həyat yoldaşı Sadətin psixoloji vəziyyəti, həmçinin qızları İşılla nəvələri Sinəmin gündəlik həyatı gərginlik içində keçir.

Harunun gizli münasibətləri üzə çıxdıqda evdəki nizam tamamilə pozulur. Məlum olur ki, gənc oğlan iki doğma bacı ilə eyni vaxtda görüşür. Bu qadınlardan biri boşanmanın fəsadlarını aradan qaldırmağa çalışan Eda, digəri isə ailənin şirkətində işə yeni düzələn Məldadır.

Türkiyə istehsalı olan dram janrlı «Unutulmaz» serialı 2009-cu ildə nümayiş olunub. Ekran əsərinin baş rollarını Sərhan Yavaş, Özlem Yılmaz, Sinem Öztufan və Nihat Altınkaya canlandırıb.