Dünyanın bütün qadınları

Paulo hər rastlaşdığı qadına asanlıqla vurulur və eyni rahatlıqla onlardan ayrılır. Balerina Mariya Alisiya ilə tanışlıq isə onun həyatına tamam başqa bir sevinc qatır. Birgə keçirdikləri günlər xoşbəxtliklə zəngin olsa da, köhnə vərdişlərindən əl çəkə bilməyən Paulo az qala sevgilisinə xəyanət edir. Onlar bu sınaqdan keçməyi bacarırlar, lakin qarşıda yeni bir ayrılıq dayanır.

Rəqqasə işi ilə əlaqədar bir illik səfərə yollanmalı olur. Tənha qalan Paulo yenidən əvvəlki həyat tərzinə qayıdır və görüşdüyü yeni simalarla başını qatır. Müxtəlif qadınlarla keçən bu günlər diqqətini yayındırsa da, o, sevdiyi balerinanı heç cür unuda bilmir.

Braziliya istehsalı olan «Todas as Mulheres do Mundo» serialı komediya və melodram janrlarını birləşdirir. 2020-ci il ekran işinin rejissorları Patrisiya Pedroza və Renata Portudur. Əsas obrazları Emilio Dantas, Sofi Şarlott, Marta Novil və Mateus Naşterqaeli canlandırıblar.