Pullar bitəndə sevgi başlayacaq

Oyuncaq istehsalı müəssisəsində mühasib işləyən Reyko Kuki keçmiş təcrübəsinə görə hər qəpiyinə qənaət edən və xərclərini dəqiqliklə hesablayan biridir. İkinci əl mağazasında bəyəndiyi qab dəstini almağa hazırlaşarkən, həmin əşyanı düşünmədən alan başqa bir gənclə qarşılaşır. Həmin şəxs Reykonun çalışdığı şirkətin rəhbərinin oğlu, pullarını sağa-sola xərcləməyə öyrəşmiş Keyta Saruvataridir.

Oğlunun bu israfçılığından təngə gələn ata ona dərs vermək qərarına gəlir və Keytanı mühasibatlıq şöbəsinə göndərir. Varlı varis burada pulun qədrini bilməli, onun maliyyə tərbiyəsi isə birbaşa Reykoya həvalə edilməlidir. Xarakterləri və pula baxışları tamamilə fərqli olan bu iki gənc eyni kabinetdə birgə çalışmağa başlayır.

2020-ci il istehsalı olan «Love Will Begin When Money End» yapon serialının rejissor kürsüsündə Şuniçi Hirano və Hisaşi Kimura əyləşib. Romantik komediya və dram janrındakı ekran əsərində baş rolları Mayu Matsuoka, Haruma Miura, Şohey Miura və Takumi Kitamura canlandırır.