Oğlanlar çiçəklərdən üstündür 2

F4 qrupunun məzuniyyətindən on il sonra nüfuzlu Eytoku akademiyası tənəzzül dövrünü yaşayır. Məktəbin əvvəlki şöhrətini qaytarmaq istəyən Haruto Kaquraqi və onun başçılıq etdiyi «Correct 5» qrupu ailəsi yoxsul olan şagirdləri qovmağa başlayır. Müflis olmuş ailənin qızı Oto Edoqava isə vəziyyətini hamıdan gizlədərək gecələr marketdə işləyir və bu akademiyada oxumağa davam edir.

Oto ilə Harutonun həmin marketdə təsadüfən rastlaşması hər şeyi dəyişir. Beləliklə, gənclər bir-birinin ən böyük sirlərini öyrənirlər: oğlan qızın kasıb olduğunu, qız isə Harutonun gizli qorxularını və özünə inamsızlığını kəşf edir. Üstəlik, Otonun rəqib məktəbin lideri olan Tenma Hase adlı nişanlısının olması vəziyyəti daha da mürəkkəbləşdirir.

2018-ci il istehsalı olan «Boys Over Flowers 2» romantik dram serialı Yaponiyada çəkilib. Layihənin rejissor kürsüsündə Ishii Yasuharu və Tsuboi Toshio əyləşib, əsas rolları isə Sugisaki Hana, Hirano Sho və Nakagawa Taishi canlandırıblar.