Frieden

İkinci Dünya Müharibəsi başa çatdıqdan sonra İsveçrədə üç gənc dinc həyat qurmağa çalışır. Klara qaçqınlara və sağ qalmış insanlara dəstək olaraq onların ailələrini tapmasına kömək edir. Onun nişanlısı İohan isə ailə biznesini qorumaq üçün atasının toxuculuq fabrikini yeniləməyə girişir. Müharibənin ağırlığını unuda bilməyən İohanın qardaşı Eqon isə baş prokurorluqda işə düzələrək gizlənən nasistləri axtarmağa başlayır.

Keçmişin travmaları və gələcəyin qeyri-müəyyənliyi qəhrəmanları çətin seçim qarşısında qoyur. Klara himayəsindəki şəxslərdən birinə yaxınlaşaraq şəxsi münasibətlərini təhlükəyə atır. İohan fabriki xilas etmək naminə hərbi cinayətkarlarla danışıqlara getmək məcburiyyətində qalır. Eqon isə sağ qalmaq naminə prinsiplərindən imtina edib-etməmək sualı ilə üzləşir.

«Frieden» tarixi dram serialı 2020-ci ildə İsveçrədə lentə alınıb. Layihənin rejissoru Mike Şörerdir. Baş rolları Annina Valt, Maks Hubaxer, Dimitri Stapfer və Tereza Affolter canlandırıblar.