Adi bir qadının yetişməsi

Taynan şəhərində böyüyən 39 yaşlı Çen Tszyalin uzun illərdir Taybeydə şəxsi katibə kimi çalışır. İllər ötsə də, o nə şəxsi mənzil, nə də ailə sahibi ola bilib, iş yerində isə rəhbərinin gündəlik şıltaqlıqlarına dözmək məcburiyyətində qalır. Keçmiş sevgilisinin dəbdəbəli toy mərasimindən təsirlənən qadın qəfil qərarla uzun müddətdir birlikdə olduğu sevgilisinə evlilik təklifi edir və toy hazırlıqları start götürür.

Lakin gələcək qayınananın hər işə qarışması və ağır təzyiqləri vəziyyəti dözülməz həddə çatdırır. Həyatının çıxılmaz nöqtəyə gəldiyini anlayan Tszyalin nişanı qaytarır və yorucu işindən istefa verir. Beləliklə, o, paytaxtda heç bir karyera və şəxsi münasibət planı olmadan tamamilə tək qalır.

İki mövsümdən ibarət olan «Adi bir qadının yetişməsi» serialı 2019-cu ildə Tayvanda çəkilib. Layihənin rejissor kürsüsünü Chang-Lun Chen və Yen Yi-wen bölüşür, əsas obrazları isə Hsieh Ying-xuan, Bella Wu, Bamboo Chen və Yang Li-yin canlandırır.