Uğur

Rio-de-Janeyronun Bon-Suseso məhəlləsində yaşayan dərzi Paloma təkbaşına uşaq böyüdür və ədəbiyyatı çox sevir. Xəstəxanada ona səhvən cəmi altı ay ömrünün qaldığını bildirdikdə qadının bütün planları alt-üst olur. Qalan günlərini ürəyincə keçirməyə qərar verən Paloma gözlənilməz addımlar atır və bu ərəfədə Markus adlı cazibədar bir kişi ilə tanış olur.

Tezliklə laboratoriyanın analizləri qarışdırdığı və ölümcül diaqnozun əslində varlı nəşriyyat sahibi Albertuya aid olduğu aydınlaşır. Həqiqəti öyrənən Paloma həmin xəstəni axtarıb tapmaq istəyir. Nəticədə o, qoca milyonerlə qarşılaşır və onun həmin Markusun atası olduğunu öyrənir.

Braziliya istehsalı olan «Uğur» serialı 2019-cu ildə işıq üzü görüb. Ekran işinin rejissor kreslosunda Joana Klark və Jeferson De əyləşib, əsas obrazları isə Krishtianu Felisiu, Ruan Aviar, Bruna Aiiso və Dandara Albukerke canlandırıb.