Girlfriends

Gənclik illərindən bir-birini tanıyan üç rəfiqə artıq ahıl yaşlarına qədəm qoyur. Onlardan birinin ərinin evlilik ildönümü üçün çıxdıqları dəniz səyahəti zamanı qəfil yoxa çıxması qadınların həyatını alt-üst edir. Baş verən hadisə qadının qətldə günahlandırılması və həbsxana cəzası ilə üzləşməsi ehtimalını yaradır.

Çıxılmaz vəziyyətə düşən qadın kömək üçün illərin sınağından çıxmış rəfiqələrinə üz tutur. Hadisənin arxasındakı sirlər üzə çıxdıqca məlum olur ki, onu dəmir barmaqlıqlardan daha böyük və qorxulu təhlükələr gözləyir.

Böyük Britaniya istehsalı olan «Girlfriends» dram serialı 2018-ci ildə nümayiş etdirilib. Ekran işinin rejissorları Dominik Leklerk və Key Mellordur. Əsas rolları Miranda Riçardson, Fillis Loqan, Zoi Uanameyker və Filip Kambas canlandırıblar.