Non mentire

Məktəb müəlliməsi Laura ilə tanınmış cərrah Andrea birlikdə axşam keçirmək qərarına gəlirlər. İlk baxışdan adi görünən bu görüş səhəri gün böyük bir faciəyə çevrilir. Qadın polisə müraciət edərək gecənin təcavüzlə başa çatdığını bildirir.

Həkim isə irəli sürülən bütün iddiaları qətiyyətlə təkzib edir. O, cəmiyyətdəki nüfuzunu və peşəkar adını heç vaxt ləkələməyəcəyini deyərək günahsız olduğunu iddia edir. Hər iki tərəf həmin axşam baş verənlərlə bağlı tamamilə fərqli həqiqətləri müdafiə etməkdə davam edir.

İtaliya istehsalı olan «Non mentire» dram serialı 2019-cu ildə işıq üzü görüb. Ekran işinin rejissoru Canluka Mariya Tavarellidir, baş rolları isə Alessandro Pretsiozi, Qreta Skarano, Fiorentsa Pyeri və Rikkardo de Rinaldis Santorelli paylaşıblar.