Cheesecake

Nil və Samira adlı gənc ər-arvad həm şəxsi münasibətlərində, həm də iş həyatlarında çətin günlər keçirirlər. Vəzifə yüksəlişi baş tutmayan Samira üçüncü evlilik ildönümlərini qeyd etmək üçün səfər planlaşdırır. Lakin böyük bir iş layihəsi götürən Nil vaxtı olmadığını bildirərək bu səyahətdən imtina edir və tərəflər arasında inciklik yaranır.

Evdəki gərginliyin artdığı bir vaxtda mənzildə qəfildən Çizkeyk ləqəbli qızılı retriver peyda olur. Qonaq gələn bu dördayaqlı it cütlüyün gündəlik qaydalarını alt-üst edir. İtin qayğısına qalmaq zərurəti isə həyat yoldaşlarını yenidən birlikdə hərəkət etməyə vadar edir.

«Cheesecake» adlı Hindistan istehsalı komediya və dram serialı 2019-cu ildə işıq üzü görüb. Ekran işinin rejissoru Palaş Vasvanidir. Əsas obrazları Akankşa Thakur, Citendra Kumar, Kumar Varun və Nareş Qosain canlandırıblar.