Serafimanın xoşbəxtliyi

İllər əvvəl Serafima Kuznetsova ərini tərk edərək azyaşlı oğlu ilə birlikdə Solovyinı qəsəbəsinə köçür. Burada onlara tənha Yaşa baba sığınacaq verir. Serafima yeni yerdə zəhmətlə çalışaraq suvaqçıdan öz tikinti şirkətinin rəhbərinə qədər yüksəlir və qəsəbədə nüfuz qazanır. Həmin illər ərzində onun ən yaxın insanları yalnız böyüyən oğlu və yaşlı baba olaraq qalır.

Yaşa babanın qəfil vəfatı və torpağı rəsmən Serafimaya vəsiyyət edə bilməməsi vəziyyəti dəyişir. Qısa müddətdə miras hüququ ilə babanın uzaq qohumu, keçmiş hərbçi Aleksey Qovorov peyda olur. Qonşu evə yerləşən Aleksey göyərçin damında ulduzları seyr etmək üçün rəsədxana qurur. Doğma torpağı yad adama vermək istəməyən Serafima yeni qonşusuna qarşı barışmaz mübarizəyə başlayır.

2021-ci ilin Rusiya istehsalı olan «Serafimanın xoşbəxtliyi» («Счастье Серафимы») melodram serialının rejissoru Anatoli Artamonovdur. Ekran əsərində əsas rolları Anna Ardova, Sergey Qorobçenko, Andrey İvanov və İvan Kleşevnikov canlandırıblar.