Filadelfiya

Hüquqşünaslıq fəaliyyəti Ketlin Maquayrın bütün vaxtını alır. Gənc vəkil məhkəmə zalları, istintaq təcridxanaları və tərəfdaşı ilə iş detallarını müzakirə etdiyi ofis arasında daim qaçhaqaçdadır. Onun iş günləri müdafiə etdiyi şəxslərlə fasiləsiz görüşlərdən və mürəkkəb proseslərdən ibarətdir.

Ketlinin müştəriləri tamamilə fərqli insanlardır. O, kobud bir adamı, böyük agentlik sahibini, nüfuzlu mafiozun qızını, məhbusa aşiq olmuş keçmiş nəzarətçini, ögey atasını öldürmüş qızı və hətta bir sehrbazı müdafiə edir. Qazanılması mümkün olmayan işin mövcudluğuna inanmayan vəkil, uğursuzluqlarla üzləşsə belə, heç vaxt öz vicdanına zidd getmir və bəraət almaq üçün sona qədər mübarizə aparır.

«Filadelfiya» dram serialı 2001-ci ildə ABŞ-da lentə alınıb. Layihənin rejissor kürsüsündə Rik Uolles və Kevin Huks əyləşib. Baş rolları Kim Delani, Tom Everett Skott, Rik Hoffman və Diana-Mariya Riva ifa ediblər.