Kareshi wo Ron de Kaimashita

Böyük bir şirkətdə qeydiyyat şöbəsində çalışan Tae Ukişimanın ən böyük arzusu varlı bir şəxslə ailə qurub evdar qadın olmaqdır. O, eyni yerdə çalışan həmkarı Şunpey Şiraişi ilə evlənmək istəyir. Əslində qadınlara qarşı zəifliyini gizlədən və artıq Taeyə marağını itirmiş bu gənc oğlanı əldə saxlamaq üçün qız özünü utancaq və sadəlövh göstərir. Halbuki onun əsl xarakteri olduqca kəskin və qətidir.

Rol oynamaqdan yorulan Tae gündəlik gərginliyi azaltmaq üçün fərqli bir üsula əl atır və borc içində olan Cün Setsunanı özünə sevgili kimi satın alır. Borclarını ödəməyə məcbur qalan gənc oğlan tamamilə itaətkar davranmağa və sahibəsinin hər bir istəyini yerinə yetirməyə razılaşır.

2018-ci il istehsalı olan bu Yaponiya serialı komediya, dram və melodram janrlarını birləşdirir. Layihənin rejissoru Yusuke Katodur. Əsas obrazları Erina Mano, Ryusei Yokohama, İkumi Hisamatsu və Yuriko Ono canlandırıblar.