Böyük hind disfunksional ailəsi

Keçmiş hərbçi Vikram Ranaut kiçik bir şəhərdə yerləşən ata ocağında anası, həyat yoldaşı və övladları ilə birlikdə məskunlaşıb. Ordudan tərxis olunduqdan sonra xasiyyəti kəskinləşən Vikram daxili incikliklərlə mübarizə aparır. İllərdir davam edən nizam səkkiz illik fasilədən sonra kiçik qardaş Samarın xanımı Sonali ilə evə qayıtması ilə pozulur.

Vaxtilə ordudakı xidmətini özbaşına tərk edərək ailəsindən qaçan Samar qardaşının böyük qəzəbinə tuş gəlmişdi. İki qardaşın eyni dam altında yenidən bir araya gəlməsi qarşılıqlı ittihamlara, yeni münaqişələrə və keçmiş ailə sirlərinin üzə çıxmasına səbəb olur.

Hindistan istehsalı olan «The Great Indian Dysfunctional Family» dram serialı 2018-ci ildə nümayiş olunub. Layihənin rejissoru Rajlaxmi Ratan Seth, baş rol ifaçıları isə Kay Kay Menon, Barun Sobti, Eisha Chopra və Perlene Bhesaniadır.