Oğlum

İlyas və Nihal cütlüyü iki uşaq böyüdür: yeniyetmə qızları Ceren və beşyaşlı Kaan. Sadə şəraitdə yaşayan ailənin valideynləri günlərlə işdə çalışır. Nihalın uşaq bağçasına cəmi on beş dəqiqə gecikməsi faciə ilə nəticələnir: nəzarətsiz qalan Kaan binadan çıxıb gedir və az sonra onun cəsədi yaxınlıqdakı parkda aşkarlanır.

Cinayəti törətdiyini isə on iki yaşlı Efe etiraf edir. O, varlı ailənin tək övladıdır və bütün vaxtını kompüter oyunlarına sərf edən qapalı uşaqdır. Bir tərəfdə övlad itkisi ilə sarsılan ailə yas tutduğu halda, digər tərəfdə Efenin valideynləri çətin qərar qarşısında qalır: etiraf edən uşaqlarını xilas etməyə çalışmaq, yoxsa onun cinayətkar damğası ilə yaşamasına dözmək.

Türkiyə istehsalı olan dramatik serial «Oğlum» 2022-ci ildə ekranlara çıxıb. Layihənin rejissoru Gökçen Ustadır. Əsas obrazları Songül Öden, Tuğçe Açıkgöz, Mina Derman və Emir Kaan Özkan canlandırıblar.