Küçük Gelin

Ağır ənənələr və qərarlar on üç yaşlı Zəhranın həyatını alt-üst edir, ailəsi onu məcburi şəkildə əlil bir şəxslə evləndirir. Bu çətin günlərdə anası dünyasını dəyişir və son nəfəsində Zəhranın onun doğma övladı olmadığını bildirir. Balaca qız bu acı həqiqətlə tək qalaraq həm əsl ailəsini, həm də belə erkən yaşda ərə verilməsinin əsl səbəbini anlamağa çalışır.

Zəhraya kömək əlini uzadan yeganə insan isə məktəb müəlliməsi Mələk olur. O, uşağı düşdüyü bu ədalətsiz vəziyyətdən qurtarmaq üçün hər cür dəstək verməyə çalışır. Lakin nə Mələk, nə də Zəhra onların talelərinin keçmişdən bir-birinə bağlı olduğundan hələ xəbərdar deyillər.

Türkiyə istehsalı olan «Küçük Gelin» dram serialı 2013-cü ildə yayımlanıb və ekran əsəri iki mövsümdən ibarətdir. Ekran işində əsas rolları Gözdə Mukavelat, Gökhan Şahin, Ufuk Şen və Orhan Şimşək canlandırıblar.