Parıldayan ofis

Gənc qadın çalışdığı şirkətdən qovulduqdan sonra digər yerlərdə iş tapmaq üçün uzun müddət cəhd edir, lakin hər dəfə rədd cavabı alır. Vəziyyətdən heç bir çıxış yolu görməyən qəhrəman körpüdən tullanaraq həyatına son qoymaq istəyir. Xoşbəxtlikdən, onu xilas edərək dərhal xəstəxanaya çatdırırlar.

Həkim nəzarəti altında olarkən o, daha bir ağır sınaqla üzləşir. Müayinələr nəticəsində qadına ölümcül xəstəlik diaqnozu qoyulur və yaşamaq üçün çox az vaxtının qaldığı bəlli olur. Bu acı həqiqət onun gələcəyə və həyata baxışını tamamilə fərqli istiqamətə yönəldir.

2017-ci ildə nümayiş olunan Cənubi Koreya istehsalı «Jachebalgwang opiseu» serialı dram, komediya və romantika janrlarını özündə birləşdirir. Layihənin rejissor kürsüsündə Con Ci-in və Pak San-hun əyləşib. Baş rolları Ko A-son, Ha Sok-cin, Li Don-hvi və Li Ho-von canlandırıblar.