Birlikdə xoşbəxt

Ton və Koya tələbəlik illərindən bir yerdədir və artıq on ilə yaxındır ki, həyatlarını bölüşürlər. Lakin birgə yaşayışın növbəti ildönümü ərəfəsində münasibətləri dərin sınaqla üzləşir. Vaxtilə bir-birlərinə bəslədikləri romantik hisslər tədricən sönür, gündəlik narazılıqlar və mübahisələr isə onları boşanma qərarına gətirib çıxarır.

Ailənin tamamilə dağılmaq təhlükəsi ər-arvadı keçmişi xatırlamağa vadar edir. Dostları da cütlüyü barışdırmaq üçün vəziyyətə qarışır və onlara dəstək olmağa çalışır. Hər iki tərəf bir vaxtlar verdikləri vədi yada salaraq münasibətlərini qorumaq üçün son bir cəhd göstərməli olur.

Tayland istehsalı olan «My Dear Loser Series: Happy Ever After» serialı 2017-ci ildə işıq üzü görüb. Ekran əsərinin quruluşçu rejissorları Aof Noppharnach Chaiyahwimhon və Aof Phyungsak Naruepaidir, baş rolları isə Push Puttichai Kasetsin və Esther Supreeleela canlandırıb.