Aşk Bu Mu?

Umut, Samet və Şegi uşaqlıqdan bəri Keşansız ləqəbli cinayətkar dəstə başçısının nəzarəti altında böyüyüblər. Valideynlərini tapmaq arzusu ilə yaşayan gənclər, ailələri barədə məlumat almaq müqabilində avtomobil oğurluğu ilə məşğul olmağa məcbur qalırlar. Növbəti tapşırıq zamanı varlı bir iş adamının mülkünə soyğun üçün daxil olan gənclər ev sahibləri ilə qarşılaşırlar. Həmin ailə isə onları tamamilə fərqli məqsədlə gəlmiş donorlar hesab edir.

Evin qızı Gülümün təcili qaraciyər köçürülməsinə ehtiyacı var və atası xilas yolu üçün bir milyon lirə mükafat elan edib. Müayinələrdən sonra məhz Umutun Gülüm üçün uyğun donor olduğu aydınlaşır. Planlaşdırılan əməliyyat gününə qədər olan üç həftəlik müddəti gənclər sağ-salamat başa vurmalıdırlar, lakin bu heç də asan başa gəlmir.

2018-ci il istehsalı olan «Aşk Bu Mu?» Türkiyə serialı rejissor Ömər Uğur tərəfindən dram və komediya janrlarında lentə alınıb. Baş rolları Kubilay Aka, Afra Saraçoğlu, Salih Kalyon və Şerif Erol canlandırıb.