Döyüş böhranı

Kişilər daxili qorxularına qalib gəlmək və özlərinə güvən qazanmaq üçün «Favorit» döyüş klubuna üz tuturlar. Klubun rəhbəri Oleq Tixomirov burada məşq edənləri vahid bir komanda halında birləşdirir. Təşkilatın şöhrəti artdıqca tanınmış bir reportyor klub və onun rəhbəri haqqında film çəkmək qərarına gəlir.

Döyüşçülərdən birinin intihara cəhd etməsi vəziyyəti tamamilə dəyişir. Tixomirov ilk dəfə olaraq bu cür dərslərin və dəyişimin insanlara hansı bədələ başa gəldiyi barədə düşünməyə məcbur qalır. Üstəlik, çəkilişə gələn müxbirin əsl niyyətinin idman ocağını darmadağın etmək və Oleqin həyatını alt-üst etmək olduğu tədricən aydınlaşır.

Rusiyada istehsal olunmuş «Döyüş böhranı» («Boytsovskiy srıv») adlı dram və idman serialı 2016-cı ildə təqdim edilib. Ekran işinin quruluşçu rejissoru Eduard Bordukovdur. Əsas obrazları Dmitri Kozelski, Oleq Zaqorodni, Anna Taratorkina və Lyudmila Volkova canlandırıblar.