Sevgi

Toyama prefekturasında böyüyən Miura Aoi həmişə çəkingən xasiyyəti ilə seçilib və yayı heç vaxt sevməyib. Məktəb vaxtı üzgüçülük komandasının ən istedadlı idmançısı olsa da, böyüdükdən sonra xəyallarını arxa plana keçirməli olub. Memar olmaq istəyi onu Tokiodakı kiçik bir inşaat şirkətində köməkçi vəzifəsinə gətirib çıxarsa da, karyerasında heç cür irəliləyiş əldə edə bilmir.

İsti bir yay günü o, uşaqlıq dostu və ilk sevgisi olan Serizava Akari ilə yenidən qarşılaşır. Bir vaxtlar hər günü birlikdə keçirən bu iki gəncdən Akari hər zaman Aoiyə dəstək olub. Lakin yuxarı sinfin son ilində, atəşfəşanlıq festivalı gecəsində qız gözlənilmədən yoxa çıxmışdı.

Bu görüş gənc oğlana keçmiş hisslərini qaytarmaq üçün yeni imkan kimi görünsə də, Akarinin artıq başqa biri ilə görüşdüyü və həmin şəxsin adının da Aoi olduğu üzə çıxır. 2015-ci ildə Yaponiyada istehsal olunmuş «Koinaka» adlı melodram serialının rejissorları Şoqo Miyaki və Hiro Kanayidir. Əsas obrazları Sota Fukuşi, Tsubasa Honda, Şuhey Nomura və Tayqa Nakano canlandırıblar.