Səni sevirəm

Braziliya istehsalı olan «Amorteamo» serialındakı hadisələr XX əsrin əvvəllərində Resifi şəhərində cərəyan edir. Əhvalat bir-biri ilə kəsişən iki sevgi üçbucağı üzərində qurulub. Faciələr silsiləsi Araqonun öz arvadı Arlindanın sevgilisi Çikonu qətlə yetirməsi ilə başlayır.

İllər sonra başqa bir dram yaşanır: Qabriel toy günü Malvinanı qoyub Lena ilə getməyə qərar verir. Dərin kədərə qərq olan tərk edilmiş qız körpüdən tullanaraq həyatına son qoyur. Çox keçmir ki, keçmişin qaranlıq kölgələri və kabusları yenidən dirilərin arasına qayıdır.

2015-ci ilin dram və triller janrlı layihəsinin rejissoru Flaviya Laserdadır. Əsas obrazları Marina Ruy Barbosa, Conni Massaro, Letisiya Sabatella və Daniel de Oliveyra canlandırıblar.