Fırtına

«La Tempestad» adlı Meksika dram serialı karyerasında gözlənilməz uğursuzluqla üzləşən şəhərli qadın Marina Revertanın taleyindən bəhs edir. Perspektivli işini itirən gənc qadın böyük şəhəri tərk etməli olur və varlı Mersedes Artiqasın təklifi ilə kiçik balıqçı qəsəbəsinə yollanır. O, burada yerli konserv zavoduna rəhbərlik etməyə başlayır.

Yeni mühitdə Marina balıqçı gəmisinin cəsur və inadkar kapitanı Damian Fabre ilə rastlaşır. Tamamilə fərqli həyat tərzinə malik bu iki insanın ortaq dil tapması ilk baxışdan qeyri-mümkün görünsə də, aralarındakı ziddiyyətlər tədricən güclü bir hissin yaranmasına yol açır.

2013-cü ildə ekranlara çıxan melodramın rejissor kürsüsündə Monika Migel və Erik Morales əyləşib. Əsas rolları Ximena Navarrete, Vilyam Levi, İvan Sançes və Sesar Evora paylaşıblar.