Səmada parlayan ulduz

Mikana Siam Sarn nəşrində kriminal xəbərlər üzrə müxbir işləyir. Zərif görünüşünə baxmayaraq, o, döyüş sənətlərini dərindən bilir və güclü iradəyə malikdir. Ailəsində baş verən ağır hadisələr gənc qadında psixoloji travma yaradıb və buna görə kişilərə etibar etməkdə çətinlik çəkir.

Redaksiyanın tapşırığı ilə narkotik ticarətinə qarşı keçirilən xeyriyyə tədbirinə yollanan müxbir burada baş polis müfəttişi Hiran ilə tanış olur. Hiranda ona qarşı maraq oyanır və o, qadınla münasibət qurmağa çalışır. Çox keçmədən təhlükəli cinayət araşdırmaları onları yenidən bir araya gətirir.

Tayland istehsalı olan «Brighten star in the sky» dram serialı 2013-cü ildə yayımlanıb. Rejissor Aod Bhandit Thongdeenin çəkdiyi layihənin baş rollarında Matt Peeranee Kongthai və Boy Pakorn Chatborirak çıxış edir.