Çiyin-çiyinə

Hadisələr iyirminci əsrin əvvəllərində Rio-de-Janeyro şəhərində cərəyan edir. Keçmiş kölə İzabel yoxsul məhəllədə yaşayır, aristokrat ailənin varisi Laura isə ailəsinin qəhvə təsərrüfatının iflasa uğraması ilə üzləşir. Hər iki gənc qadın ailə qurduqdan sonra təsadüfən tanış olurlar.

Onlar dövrün stereotiplərini qırmağa çalışırlar. İzabel irqçiliklə mübarizə apararaq cəmiyyətdə özünə yer tapmaq istəyir, Laura isə işləmək arzusuna qarşı çıxan anası Konstansiya ilə mübahisə edir. Qızının qaradərililərə rəğbət bəsləməsinə dözməyən keçmiş barones onu bu dostluqdan uzaqlaşdırmağa və Edqar ilə evləndirməyə çalışır. Həmin vaxt İzabelin əri Ze Mariya böyük prospektin çəkilməsi üçün sökülən məhəllə sakinlərini Morro-da-Providensiya təpəsinə aparır və burada şəhərin ilk favelalarından biri formalaşır.

Braziliya istehsalı olan «Lado a Lado» tarixi serialı 2012-ci ildə ekranlara çıxıb. Ekran əsərinin quruluşçu rejissorları Dennis Karvalyu və Vinisius Koimbradır, əsas rolları isə Marcori Estiano, Kamila Pitanqa, Patrisiya Pillar və Lazaru Ramos canlandırıblar.