Sortilegio

Sadə kənd qızı Mariya Xose sevdiyi Alexandro Lombardo ilə toy gününü səbirsizliklə gözləyir. Lakin o, nişanlısının əslində böyük var-dövlətin varisi olan əsl Alexandronun ögey qardaşı Bruno olduğunu bilmir. Brunonun məqsədi qardaşının adı ilə evlənmək, onu aradan götürmək və dul qalmış qızın vasitəsilə bütün mirasa yiyələnməkdir. Toydan dərhal sonra qəza təşkil edilir və hər kəs Alexandronun öldüyünü zənn etsə də, yerli kəndlilər onu xilas edərək xəstəxanaya çatdırırlar.

Planının baş tutduğuna inanan Bruno saxta nikah sənədi düzəldir. Ailənin anası Viktoriya Mariya Xoseni tapıb ərinin ölüm xəbərini verir və kədərli qız dəfn üçün Meridaya yola düşür. Bruno isə qızın atası Don Pedronu hədələyərək özünə şərik edir və qızı mirası bölüşməyə məcbur etmək istəyir. Qorxuya düşən Mariya Xose qaçmağa çalışsa da, atasının həyatı ilə təhdid edildikdən sonra geri qayıtmaq məcburiyyətində qalır. Lakin Meridada onları gözlənilməz xəbər qarşılayır: əsl Alexandro sağdır.

Meksika istehsalı olan «Sortilegio» serialı 2009-cu ildə işıq üzü görüb. Melodram janrındakı ekran əsərinin quruluşçu rejissorları Karina Duprez və Monika Migeldir. Baş rolları Jaklin Brakamontes, Vilyam Levi, David Sepeda və Daniela Romo canlandırıb.