A testa alta

Virciniya Tertsi Roma yaxınlığındakı qəsəbədə yerləşən liseyin rəhbəridir və yerli sakinlər arasında böyük nüfuza malikdir. O, gənclərin rəqəmsal asılılığına qarşı mübarizə məqsədilə xüsusi təhsil layihəsi hazırlayır. Təşəbbüsün rəsmi səviyyədə qəbul edilməsi ərəfəsində isə onun icazəsi olmadan intim xarakterli şəxsi videosu internetə sızdırılır.

Bu hadisə qəsəbədə güclü ictimai qınağa, həmkarlarının və valideynlərin təzyiqinə səbəb olur. Hər tərəfdən hədəfə çevrilən Virciniya geri çəkilmək fikrində deyil. O, ləyaqətini qorumaq, yeniyetmə oğlunu qalmaqaldan uzaq tutmaq və görüntüləri yayan şəxsləri tapmaq üçün mübarizəyə başlayır.

İtaliya istehsalı olan «A testa alta» dram və triller serialı 2026-cı ildə təqdim edilib. Ekran işinin rejissoru Cakomo Martellidir. Baş rolları Sabrina Ferilli, Ranyero Monako Di Lapio, Françesko Peti və Andrea Pittorino ifa edirlər.