Pişik beşiyi

Böyük şirkətinin on illik yubiley mərasimində tanınmış ətriyyatçı Qustavu gözlənilmədən qaçırılaraq kimsəsiz səhraya atılır. Bu addımı onun ən yaxın dostu və şəriki Alsino planlaşdırıb. Uşaqlıqda kasıb və xeyirxah olan Qustavu illər keçdikcə zənginləşərək təkəbbürlü və bədbəxt bir adama çevrildiyi üçün dostu ona həyat dərsi vermək qərarına gəlir.

Alsino öz sadiq köməkçisi Marinin dəstəyi ilə Qustavunun tənha mühitdə dəyərlərini yenidən nəzərdən keçirəcəyinə ümid bəsləyir. O, hər şeyi etiraf edib dostunu geri gətirmək niyyətindədir. Lakin Qustavunun həyat yoldaşı Veronika vəziyyətdən sui-istifadə etmək istəyir. Bütün var-dövləti ələ keçirməyi hədəfləyən qadın ərini aradan qaldırmaq üçün iki muzdlu qatil tutur.

Braziliya istehsalı olan «Cama de Gato» serialı 2009-cu ildə işıq üzü görüb. Melodram, dram və komediya janrlarını birləşdirən layihənin rejissorları Andre Felipe Binder və Amora Mautnerdir. Əsas rolları Markos Palmeyra, Kamila Pitanqa, Paola Oliveyra və Eloiza Perisse canlandırıblar.