Mən robot deyiləm

İnsanlara qarşı kəskin allergiyası olan gənc oğlan ömrü boyu cəmiyyətdən uzaq yaşayıb. Bu fiziki maneə səbəbindən o, heç vaxt qadınlarla münasibət qura bilməyib və tənhalığa məhkum olub. Lakin onun qarşısına qadın cildində hazırlanmış xüsusi bir robot çıxır.

Zaman keçdikcə bu qeyri-adi varlıqla ünsiyyət onun hisslərini oyadır. Qəhrəman mexaniki bir varlığa aşiq olduğunu anlayır və bu gözlənilməz yaxınlıq onun bütün həyat tərzini dəyişməyə başlayır.

Cənubi Koreya istehsalı olan «Roboti aniya» serialı 2017-ci ildə rejissor Con De-yun tərəfindən çəkilib. Fantastik və romantik layihənin baş rollarını Yu Sın-ho, Çhe Su-bin, Om Qi-cun və Pak Se-van paylaşıblar.