Itopia

Böyük ITOPIA korporasiyası birbaşa qulağa yerləşdirilən inqilabi «Z» adlı rabitə cihazını ictimaiyyətə təqdim edir. Lüsi adlı gənc qız bu yeni texnologiyanı səbirsizliklə gözləyir. Həmin şirkətdə çalışan bacısı Alis isə bu cür ixtiraya şübhə və narahatlıqla yanaşır.

Qadcet istifadəyə verildikdən sonra Lüsi onun işində gözlənilməz çətinliklərlə üzləşir. Eyni vaxtda Alis öz həmfikirləri ilə birlikdə korporasiyanın biotexnologiya bölməsində şübhəli məqamlar aşkar edir və növbəti sistem yenilənməsinin arxasında hansı gizli məqsədlərin dayandığını anlamağa çalışır.

Böyük Britaniya istehsalı olan elmi-fantastik «Itopia» serialının rejissoru Geraint Wynn Todddur. Əsas rollarda Lara Catrin, Leisa Gwenllian, Eben James və Llion Williams çəkiliblər. 2022-ci ildə ekranlara çıxan ekran əsəri iki mövsümdən ibarətdir.