Formula

Genetik alim Anjelika insanı müvəqqəti olaraq otuz il cavanlaşdıran xüsusi maddə kəşf edir. Bu yeniliyin təsiri cəmi bir neçə saat davam edir. Həmin ərəfədə qadının çalışdığı laboratoriyanı onun keçmiş sevgilisi, gözəllik sənayesində böyük uğur qazanmış Rikardo satın alır. Maddəni öz üzərində yoxlayan qəhrəman cavan görkəmində təsadüfən Rikardo ilə rastlaşır və özünü Afrodita kimi təqdim edir.

Qarşısındakı gəncin keçmiş məhəbbətinə bənzəməsi kişidə güclü hisslər oyadır. Nəticədə Rikardo həm yetkin Anjelika, həm də gənc Afrodita ilə eyni vaxtda görüşməyə başlayır. O, əslində hər iki simanın arxasında eyni qadının dayandığını heç cür anlamır.

«Formula» (A Fórmula) adlı Braziliya serialı 2017-ci ildə fantastika, komediya və melodram janrlarında çəkilib. Layihənin rejissor kürsüsündə Flaviya Lasedra və Patrisiya Pedroza əyləşib. Əsas rolları Drika Moraes, Fabiu Asunsan, Luiza Arrais və Kleber Toledo canlandırıb.