Qan bağları

Polis sıralarında çalışarkən xidməti tapşırıq zamanı baş verən hadisə Viki Nelsonun səhhətində problemlər yaradır və o, vəzifəsindən ayrılmaq məcburiyyətində qalır. Peşəkar karyerasını bitirmək istəməyən keçmiş polis nəfəri şəxsi xəfiyyə kimi fəaliyyətə başlayır. Araşdırdığı ilk müəmmalı işlər onu adi insanların gözündən uzaq olan, qaranlıqda gizlənən təhlükəli bir aləmlə üz-üzə qoyur.

Paranormal hadisələri çözmək yolunda Vikinin ən yaxın köməkçisi dörd yüz əlli yaşlı vampir Henri Fitsroy olur. Fərqli dünyalara aid bu iki tərəfdaş şəhəri hədələyən qəddar iblisə və qaranlıq cadugərə qarşı birlikdə mübarizə aparır, insanları qeyri-adi təhlükələrdən qorumağa çalışırlar.

Kanada istehsalı olan «Blood Ties» («Qan bağları») serialı 2007-ci ildə işıq üzü görüb və cəmi 2 mövsümdən ibarətdir. Ekran işinin rejissorları Ceyms Dannison və Ceyms Haddir, baş rolları isə Kristina Koks, Kayl Şmid, Dilan Nil və Cina Holden canlandırıblar.