Da Vinçinin Demonları

Gənc Leonardo Da Vinçi düşüncə və inancların sərt nəzarətdə saxlanıldığı bir dövrdə biliklərin hamı üçün əlçatan olması naminə mübarizə aparır. Öz fitri istedadının gətirdiyi çətinliklərlə üzləşən bu gənc din pərdəsi arxasındakı yalanları ifşa etməyə və cəmiyyətin elitasına meydan oxumağa çalışır. Eyni zamanda o, nikahdankənar doğulmuş bir övlad kimi atasının onu qəbul etməsi üçün vuruşur.

Zaman keçdikcə gənc dahi keçmişlə gələcəyin, din ilə elmin toqquşduğu böyük bir intriqanın mərkəzinə düşür. Onun zəkasından çəkinən, lakin bacarıqlarına ehtiyac duyan rəqiblər Leonardonun ideallarından ona qarşı istifadə etməyə çalışırlar. Həqiqəti üzə çıxarmaq yolunda atdığı addımlar onu öz ağlının və dözümünün sərhədlərini aşmağa məcbur edir.

ABŞ istehsalı olan «Da Vinci's Demons» tarixi və bioqrafik dram serialı 2013-cü ildə yayımlanmağa başlayıb. Piter Hor və M. C. Bassettin rejissorluq etdiyi layihədə baş rolları Tom Rayli, Qreqq Çillin, Eros Vlahos və Lora Heddok canlandırırlar. Ekran əsəri 3 mövsümdən ibarətdir.