Eli Stoun

Eli Stoun adlı uğurlu vəkil böyük hüquq şirkətində sürətlə yüksəlir, bahalı avtomobil sürür və gözəl nişanlısı ilə gələcək qurmağı planlaşdırır. Lakin onun bu qaydasında gedən karyerası qəfil eşitməyə başladığı qəribə musiqi səsləri ilə sarsılır. Çox keçmədən qonaq otağında Corc Maykl peyda olaraq məşhur Faith mahnısını oxumağa başlayır.

Müayinələr nəticəsində Elinin beynində əməliyyat olunmayan anevrizma aşkarlanır. Bu irsi xəstəlik vaxtilə oxşar görüntülər görən atasından ona keçib. Digər tərəfdən, Berkli məzunu olan fəlsəfə təhsilli çinli həkim isə hesab edir ki, Elinin qarşılaşdığı bu hallar onun müasir dövrün peyğəmbəri və yeni Musa olmasından xəbər verir.

ABŞ istehsalı olan «Eli Stone» komediya, dram və musiqili fentezi janrlarını özündə birləşdirir. 2008-ci ildə ekranlara çıxan layihə cəmi 2 mövsümdən ibarətdir. Devid Petrarka və Vins Misianonun rejissorluq etdiyi serialda baş rolu Conni Li Miller canlandırır, digər rollarda Nataşa Henstric, Loretta Divayn və Mett Letçer çəkiliblər.